Gabay sa Halalan

Tagubilin sa Komite ng Halalan

• Mga tungkulin: Ang Komite ng Halalan (“EC”) ay may tungkulin sa paghirang ng mga kandidato bilang Punong Tagapamahala (“CE”) at paghalal ng CE; paghirang ng mga kandidato sa Batasang Konseho (“LegCo”) at paghalal ng 40 miyembro ng LegCo.

• Termino: Ang termino ng bawat EC ay 5 taon. Sa paparating na EC, ang termino ng panunungkulan ay mag-uumpisa sa ika-1 ng Pebrero 2027 at matatapos sa ika-31 ng Enero 2032.

• Pagkakabuo: 1 500 miyembro mula sa sumusunod na 5 mga sektor, ang bawat isa ay binubuo ng mga subsektor (na may kabuuang 40 mga subsektor) –

  Unang Sektor:	Mga sektor na industriyal, komersyal at pinansyal
  Ikalawang Sektor:	Ang mga propesyon
  Ikatlong Sektor:	Mga katutubo, paggawa, relihiyon at iba pang mga sektor
  Ikaapat Sektor:	Mga miyembro ng Batasang Konseho, mga kinatawan ng mga organisasyong pandistrito at iba pang mga organisasyon
  Ikalimang Sektor:	Mga kinatawan ng Hong Kong Special Administrative Region (“HKSAR”) sa National People’s Congress (“NPC”), mga miyembro ng HKSAR sa Pambansang Komite ng Chinese People’s Political Consultative Conference (“CPPCC”) at mga kinatawan ng mga miyembro ng Hong Kong ng mga kaugnay na pambansang organisasyon

[Para sa detalye, mangyaring sumangguni sa Seksyon 2 ng Ordinansa Sa Paghalal ng Punong Tagapamahala (“CEEO”).]

Mga Pamamaraan sa Pagpili ng Mga Miyembro ng EC

May tatlong pamamaraan para pumili ng mga miyembro ng EC:

1. Mga Ex-officio member - Inirehistro ng mga nanunungkulan sa tinukoy na posisyon ng mga subsektor

   Ang sumusunod ay ang mga subsektor na may mga miyembrong ex-officio at ang kanilang bilang:

   Mga Subsektor	Bilang ng Mga Miyembrong Ex-Officio
   Arkitektural, pagsusuri, pagpaplano at landscape	15
   Edukasyon	16
   Engineering	15
   Ligal	6
   Mga serbisyong medikal at pangkalusugan	15
   Kapakanang panlipunan	15
   Mga Miyembro ng LegCo	90
   Mga kinatawan ng NPC at miyembro ng CPPC	1901
   Kabuuan	3622

   [Para sa detalye, mangyaring sumangguni sa Annex I ng Saligang Batas at Seksyon 2 ng Schedule ng CEEO.]

2. Mga miyembro ng EC na pinili sa pamamagitan ng nominasyon - hinirang ng mga itinalagang bahagi ng mga subsektor

   Mga Subsektor	Bilang ng Mga Miyembrong Hihirangin
   Accountancy	15
   Medisinang Tsino	15
   Ligal	9
   Palakasan, sining sa pagtatanghal, kultura at paglalathala	15
   Teknolohiya at inobasyon	15
   Pananampalataya	60
   Mga kinatawan ng samahan ng mga Residente ng Hong Kong sa Mainland	27
   Kabuuan	156

3. Mga Miyembro ng EC na pinili sa pamamagitan ng halalan - inihalal ng mga karapat-dapat na botanteng korporasyon o indibidwal sa mga subsektor

Pagpaparehistro ng Mga Miyembro ng Ex-officio

• Ang lahat ng mga miyembro ng ex-officio ay kinakailangang magsumite ng mga form sa pagpaparehistro sa Opisyal ng Pagrerehistro sa Halalan at ang bisa ng kanilang pagpaparehistro ay tutukuyin ng Komite ng Pagsusuri sa Pagkakarapat-dapat ng Kandidato (“CERC”). Sa pangkalahatan, ang mga may hawak ng mga tinukoy na katungkulan sa bawat isa sa mga subsektor (ibig sabihin, ang mga tinukoy na tao) ay maaaring irehistro bilang mga miyembro ng ex-officio ng subsektor na iyon. Gayunpaman, sa ilalim ng mga sumusunod na pangyayari, ang mga tinukoy na tao ay maaaring magtalaga ng ibang tao (ibig sabihin, itinalagang tao) na may hawak na katungkulan sa isang nauugnay na lupon upang mairehistro bilang miyembro ng ex-officio ng subsector na iyon:
  1. ang tinukoy na tao ay hindi karapat-dapat na mairehistro bilang miyembro ng ex-officio, kabilang ang:
     • hindi siya nakarehistro bilang isang maghahalal (o hindi pa nakagawa ng aplikasyon upang maging rehistrado) sa ilalim ng Ordinansa ng Batasang Konseho (Cap. 542) (“LCO”) nakatala sa umiiral na ganap na rehistro ng mga Heograpikal na Konstituwensiya o inalisan ng karapatan sa pagpaparehistro bilang isang maghahalal para sa isang Heograpikal na Konstituwensiya; o
     • siya ay isang punong opisyal na hinirang alinsunod sa isang nominasyon sa ilalim ng Artikulo 48(5) ng Batayang Batas; isang opisyal na direktor ng Pamahalaan; isang Administratbong Opisyal ng Pamahalaan; isang Opisyal ng Impormasyon ng Pamahalaan; isang pulis; o sinumang iba pang lingkod sibil na may hawak na isang tinukoy na katungkulan sa kanyang opisyal na kakayahan; o
  2. ang tinukoy na tao ay humahawak ng higit sa isang tinukoy na katungkulan, maliban sa subsektor na ang pagsasaayos ng pagpapalit ay tinukoy na sa batas o mga hindi naaangkop na subsector. [Para sa detalye, mangyaring sumangguni sa mga Seksyon 5J(3), 5J(4) at 5L ng Iskedyul ng CEEO.]
• Ang isang tinukoy na tao o itinalagang tao ay hindi maaaring maging miyembro ng EC sa pamamagitan ng nominasyon o halalan. Ang isang tinukoy na tao ay ituturing na nagbitiw sa EC kung hindi na niya hawak ang nauugnay na tinukoy na katungkulan. Ang bawat tao ay maaari lamang irehistro bilang miyembro ng ex-officio ng isang subsektor. [Para sa detalye, mangyaring sumangguni sa Seksyon 3 at 5J ng Schedule ng CEEO.]

Pagkakarapat-dapat mahirang bilang Kandidato/Nominado

• Para maging karapat-dapat na mahirang bilang kandidato/nominado, ang isang tao ay dapat –

  Kandidato3 (Mga miyembro ng EC na napili sa pamamagitan ng halalan)	Nominado4 Mga miyembro ng EC na napili sa pamamagitan ng nominasyon)
  May 18 taong gulang na
  Parehong nakarehistro at karapat-dapat mairehistro bilang botante sa isang Heograpikal na Konsituwensya.
  Parehong nakarehistro at karapat-dapat mairehistro bilang botante sa kaugnay na subsektor ng EC o may malalim na ugnayan sa subsektor ng EC	May malalim na ugnayan sa subsektor ng EC

Kaayusan sa Nominasyon (Para sa Mga Miyembro ng EC na pinili sa pamamagitan ng nominasyon)

• Ang bawat kaugnay na itinilagang lupon ay hihirang ng kanyang napiling taong karapat-dapat para maging kinatawan nito sa EC;
• Kung ang bilang ng mga nominado ay lumampas sa nakatakdang bilang sa itinilagang lupon, dapat banggitin ng naturang lupon kung alin sa mga nominado ang kanilang mas gusto upang makatugon sa nakatakdang bilang; at markahan ang nalalabing mga nominado, kung higit pa sa isa, ayon sa kanilang kagustuhan. Kung hindi babanggitin ng itinalagang lupon kung sino sa mga nominado ang kanilang mas gusto, ang Opisyal na Napili ang tutukoy sa ayos ng pagkakahanay ng mga nominadong iyon sa pamamagitan ng bunutan;
• Ang CERC ang magpapasiya kung ang mga nominado ay balidong nominado alinsunod sa pagkakasunud-sunod ng ayos ng pagkakahanay sa form ng nominasyon o ayon sa itinakda ng Opisyal na Napili sa pamamagitan ng bunutan hanggang sa mapunan ang lahat ng mga puwestong nakatalaga sa itinalagang lupon; at
• Dapat ideklara ng CERC ang mga nominado na balidong nominado bilang mga miyembro ng EC alinsunod sa mga regulasyon.

Kaayusan ng Nominasyon (Para sa mga Miyembro ng EC na ibinalik sa pamamagitan ng halalan)

• Ang bawat kandidato ay dapat nominahin ng hindi bababa sa limang korporasyon o indibidwal na botante sa kani-kanilang subsektor.
• Ang bawat korporasyon o indibidwal na botante ay maaari lamang magnomina ng bilang ng mga kandidato na hindi hihigit sa bilang ng mga puwestong ihahalal sa kani-kanilang subsektor sa halalan.

Panahon ng nominasyon

• Panahon ng nominasyon: Ika-7 hanggang ika-20 ng Oktubre 2026
• Maaaring ma-download ang mga form ng nominasyon mula sa websayt ng Tanggapan ng Rehistro at Halalan (www.reo.gov.hk), o kolektahin nang walang bayad sa mga sumusunod na tanggapan:
  • Mga Tanggapan ng Distrito; o
  • Tanggapan ng mga Tagapangasiwang Opisyal; o
  • Mga Tanggapan ng Rehistro at Halalan (8/F, Treasury Building, 3 Tonkin Street West, Cheung Sha Wan, Kowloon o Unit 2301-03, 23/F, Millennium City 6, 392 Kwun Tong Road, Kwun Tong, Kowloon).

[Para sa mga detalye, mangyaring sumangguni sa Seksyon 4 at 8(12) ng Regulasyon ng Komisyon sa Usaping Panghalalan (Pamamaraan ng Halalan) (Komite sa Halalan).]

Kaayusan ng Botohan para sa Ordinaryong Halalan ng Subsektor ng Komite sa Halalan ng 2026

Araw ng botohan: Ika-22 ng Nobyembre 2026 (Linggo)

Mga oras ng botohan: 9:00 a.m. hanggang 6:00 p.m. (Ang mga oras ng botohan sa (mga) nakatalagang istasyon ng botohan sa mga bilangguan (kung mayroon) ay mula 9:00 a.m. hanggang 4:00 p.m.)

Saan Boboto

• Ang bawat botante o awtorisadong kinatawan ay itatalaga sa isang itinalagang ordinaryong istasyon ng botohan upang ihain ang kanyang (mga) boto.
• Ang isang botante o isang awtorisadong kinatawan ay makakatanggap ng isang kard sa pagboto na nagpapakita ng impormasyon tungkol sa itinalagang istasyon ng botohan nang hindi bababa sa limang araw bago ang araw ng botohan.
• Ang lahat ng karaniwang istasyon ng botohan ay mapupuntahan ng mga taong gumagamit ng wheelchair o may kahirapan sa pagkilos.
• Ang botante o awtorisadong kinatawang nakakulong ay makakaboto sa isang nakatalagang istasyon ng botohan sa isang institusyong pagwawasto o istasyon ng kapulisan kung naaangkop.
• Kung kailangan ng mga botante ng tulong sa interpretasyon ng impormasyon sa pagboto, maaari silang tumawag sa Sentro Para sa Etniko Minorya (“CHEER”) sa pamamagitan ng sumusunod na hotline mula ika-9 hanggang ika-13 ng Nobyembre 2026, at mula ika-16 hanggang ika-22 ng Nobyembre 2026.

  Wika	Numero ng Hotline
  Bahasa Indonesia	3755 6811
  Hindi	3755 6877
  Nepali	3755 6822
  Punjabi	3755 6844
  Tagalog	3755 6855
  Thai	3755 6866
  Urdu	3755 6833
  Vietnamese	3755 6888

Paano Bumoto

• Ang isang botante o isang awtorisadong kinatawan ay kinakailangang magdala ng orihinal ng kanyang balidong Hong Kong Identity Card (“HKID card”) o iba pang tinukoy na alternatibong dokumento (mangyaring sumangguni sa seksyong “(Mga) Dokumento na Kinakailangan sa Pagkolekta ng Balota” sa ibaba para sa mga detalye) sa kanyang itinalagang (mga) istasyon ng halalan tulad ng ipinapakita sa kard ng pagboto sa ika-22 ng Nobyembre (Linggo) sa mga oras ng botohan (9:00 a.m. hanggang 6:00 p.m.) at ipakita ito sa mga kawani sa loob ng istasyon ng botohan.
• Ang mga kawani ng botohan ay gagamit ng isang tablet ng Electronic Poll Register (EPR) System upang i-scan ang balidong HKID card para masuri kung siya ay isang botante at/o isang awtorisadong kinatawan ng kaugnay na (mga) subsektor, at ang bilang ng (mga) balotang dapat para sa kanya. Pagkatapos mapatunayan, itatala ng kawani ng botohan ang pag-isyu sa EPR System at ibibigay ang (mga) balota sa botante o awtorisadong kinatawan.
• Pagkatapos ng koleksyon ng (mga) balota, dapat sundin ng botante o awtorisadong kinatawan ang mga tagubiling ibinigay ng kawani at nakalimbag sa (mga) balota at sa mga abiso sa loob ng kompartimento ng pagboto. Dapat markahan ng botante o awtorisadong kinatawan ang (mga) balota sa loob ng isang kompartimento ng pagboto. Sa buod, mangyaring:
  • Ililim ang mga bilog sa tapat ng mga pangalan ng mga kandidato na kanyang pinili gamit ang panulat na ibinigay;
  • bumoto ng hindi hihigit sa itinakdang bilang ng mga puwesto sa kaugnay na subsektor (ipapakita ang numerong iyon sa balota); at
  • ilagay ang balota, na nakabuklat, sa kahon ng balota na ang nakaharap pababa ang minarkahang bahagi.
• Ang bawat kompartimento ng pagboto ay dapat gamitin ng isang botante o awtorisadong kinatawan sa parehong oras. Batay sa mga prinsipyo ng kalayaan ng pagboto at paglilihim ng mga boto, ipinagbabawal sa ilalim ng batas ang sinuman (kahit na siya ay kamag-anak o kaibigan ng botante/awtorisadong kinatawan) na samahan o tulungan ang botante na bumoto.
• Ang mga botante o awtorisadong kinatawan na hindi makaboto sa kanilang sarili ay maaaring, alinsunod sa batas, humingi ng tulong sa Namumunong Opisyal o sa kinatawan upang markahan ang mga balota sa kanilang ngalan ayon sa kanilang pinili sa pagboto. Ang buong proseso ay masasaksihan ng isa pang kawani ng botohan upang matiyak na ang pagboto ay isasagawa sa patas na paraan.
• Kung ang isang botante o isang awtorisadong kinatawan ay nagkamali sa pagmarka ng balota o hindi sinasadyang nasira ang balota, maaari niyang ibalik ang balota sa Namumunong Opisyal at humingi ng kapalit.
• Ang isang botante o isang awtorisadong kinatawan ay maaaring gumamit ng makina sa pagsuri ng balota na nakalaan sa istasyon ng botohan na boluntaryong i-scan ang minarkahang balota upang masuri kung ito ay minarkahan ayon sa batas ng halalan. Hindi itatala o bibilangin ng system ang (mga) pagpipilian na minarkahan sa balota ng botante o awtorisadong kinatawan. Batay sa mensaheng ipinakita, maaaring piliin ng botante o awtorisadong kinatawan na mag-follow up o upang direktang ilagay ang balota sa kahon ng balota.

(Mga) Dokumento na Kinakailangan para sa Pagkolekta ng Balota

• Sa ilalim ng umiiral na batas, ang isang botante o isang awtorisadong kinatawan na nag-aapply para sa isang balota ay dapat magpakita ng orihinal ng kanyang balidong HKID card o ang sumusunod na tinukoy na alternatibong (mga) dokumento:
• ang orihinal ng isang balidong Pasaporte ng HKSAR; o
• ang orihinal ng Sertipiko ng Eksemsyon; o
• ang orihinal ng isang pagkilala ng aplikasyon para sa HKID card; o
• ang orihinal na balidong aklat ng pagkakakilanlan ng seaman; o
• ang orihinal na balidong dokumento ng pagkakakilanlan ng tao para sa mga layunin ng visa; o
• isang dokumentong nagpapatunay ng isang ulat sa isang opisyal ng kapulisan tungkol sa pagkawala o pagkasira ng balidong HKID card ng tao o ang Sertipiko ng Eksemsyon o ang pagkilala ng aplikasyon para sa balidong HKID card (karaniwang tinutukoy bilang "isang palibot-liham ng nawalang ari-arian"), kasama ang orihinal ng isang balidong pasaporte* o katulad na dokumento sa paglalakbay (hal. isang pasaporte maliban sa kanyang HKSAR na Pasaporte o ang Home Return Permit) na nagpapakita ng kanyang pangalan at larawan.
  * Ang pasaporte ng British National (Overseas) ay hindi balidong dokumento sa paglalakbay at patunay ng pagkakakilanlan.

[Para sa mga detalye, mangyaring sumangguni sa Seksyon 50 ng Regulasyon ng Komisyon sa Usaping Panghalalan (Pamamaraan ng Halalan) (EC) (Cap. 541I).]

Espesyal na Pila para sa mga Botanteng may Pangangailangan

• Ang mga botante o awtorisadong kinatawan lamang ang pinapayagang makapasok sa isang istasyon ng botohan.
• Sa ilalim ng prinsipyong "patas at pantay na pagtrato", ang mga botante o awtorisadong kinatawan ay dapat pumila para bumoto. Ang mga botante o awtorisadong kinatawan na nangangailangan ng tulong mula sa iba para sa pagpasok sa isang istasyon ng botohan ay maaaring humiling sa Namumunong Opisyal.
• Kapag natukoy ng Namumunong Opisyal na ang isang tao na dumating sa, o naroroon sa, istasyon ng botohan para bumoto ay nakakatugon sa pamantayan sa ibaba, ang Namumunong Opisyal ay maaaring utusan ang tao na agad na tumuloy sa itinalagang lugar (o sa dulo ng pila kung may pila na umaabot mula sa lugar na iyon), upang mag-apply para sa balota —
  • mga hindi bababa sa 70 taong gulang*;
  • mga buntis; o
  • ang mga hindi makapila ng mahabang panahon o nahihirapang pumila dahil sa karamdaman, pinsala, kapansanan o umaasa sa mga kagamitang pagkilos.
  *Kabilang na ang may dokumentong nagpapakita ng taon ng kapanganakan, nang walang buwan at araw ng kapanganakan, ng tao na 70 taong mas matanda kaysa sa taon kung kailan nakatugon ang araw ng botohan (na nasa o bago ang 1956).
• Ang Namumunong Opisyal ay magtatalaga din ng isang lugar na mauupuan sa loob ng istasyon ng pagboto para sa mga botante na nabanggit sa itaas o awtorisadong kinatawan upang magpahinga, kung gugustuhin nila. Pagkatapos magpahinga, maaari silang pumila sa kahabaan ng espesyal na pila bago aalalayan sa mga mesa na nag-iisyu ng balota para mag-apply ng balota.
• Batay sa mga prinsipyo ng kalayaan ng pagboto at paglilihim ng mga boto, ipinagbabawal ng batas ang sinuman (kahit na siya ay kamag-anak o kaibigan ng botante) na samahan o tulungan ang botante o ang awtorisadong kinatawan na bumoto. Ang isang botante o isang awtorisadong kinatawan na nahihirapan sa pagmamarka ng balota nang kanyang sarili ay maaaring, alinsunod sa batas, hilingin sa Namumunong Opisyal o kinatawan na markahan ang papel ng balota sa kanyang ngalan ayon sa kanyang kagustuhan sa pagboto, sa presensya ng isang kawani ng botohan bilang saksi. Ang Namumunong Opisyal ay pinahintulutang gamitin ang pagpapasya, kung naaangkop, upang payagan ang mga kasamang tao na gamitin ang espesyal na pila kasama ang mga botante na may tunay na pangangailangan na samahan ng mga iba.

Talaan para sa mga Botante/Awtorisadong Kinatawan

• Ayon sa Ordinansa ng Halalan (Tiwali at Iligal na Pag-uugali) (Cap. 554) na ipinapatupad ng Malayang Komisyon Laban sa Katiwalian (“ICAC”), ang isang botante o isang awtorisadong kinatawan ay HINDI DAPAT magsagawa ng mga sumusunod na gawain sa loob ng Hong Kong o sa ibang lugar:
  • Humingi o tumanggap ng anumang kalamangan (kabilang ang pera, regalo, atbp.), pagkain, inumin o libangan mula sa sinumang tao para sa hindi pagboto sa isang halalan, o pagboto o hindi pagboto para sa isang partikular na kandidato o partikular na mga kandidato sa isang halalan.
  • Sinasadyang hadlangan at pigilan ang sinumang tao na bumoto sa isang halalan
  • Hikayatin ang ibang tao na huwag bumoto o bumoto ng di-wasto sa isang halalan sa pamamagitan ng pagsasagawa ng anumang gawain sa publiko sa panahon ng halalan.
  • Bumoto sa isang halalan na alam na hindi siya karapat-dapat na gawin ito; o bumoto sa isang halalan pagkatapos na sadyang o walang ingat na magbigay ng materyal na hindi totoo o mapanlinlang na impormasyon sa isang opisyal ng halalan.
  • (Maliban sa hayagang pinahihintulutan ng batas sa halalan) Mag-aplay para sa isang balota sa pangalan ng ibang tao o, pagkatapos makaboto sa isang halalan, mag-aplay sa parehong halalan para sa isang balota sa sariling pangalan ng tao.
  • Kung walang ligal na awtoridad, magbigay ng balota sa ibang tao; dungisan o sirain ang balota.
  • Gumastos sa halalan para sa isang kandidato sa isang halalan nang hindi pinahihintulutan sa sulat ng kandidato bilang ahente ng gastusin sa halalan.
  • Maglathala ng isang lubhang mali o mapanlinlang na pahayag ng katotohanan tungkol sa isang partikular na kandidato o partikular na mga kandidato sa isang halalan.
  • Maglathala ng isang patalastas ng halalan na kinabibilangan ng suporta mula sa sinumang tao o organisasyon nang walang paunang nakasulat na pahintulot mula sa sumusuportang tao o organisasyon.
• Nagtayo ang ICAC ng isang Websayt para sa Malinis na Halalan (www.icac.org.hk/elections) upang mabigyan ang mga stakeholder ng mga pansangguniang materyales at impormasyon tungkol sa mga programa ng palathala.
• Ipinagbabawal din ang mga sumusunod na aksyon sa isang istasyon ng botohan:
  • Makipag-ugnayan sa ibang mga botante o awtorisadong kinatawan kabilang ang pagpapakita ng kanyang boto sa balota sa iba o paggamit ng mga mobile phone o anumang iba pang aparato para sa elektronikong komunikasyon.
  • Gumawa ng pelikula, kumuha ng mga litrato o gumawa ng anumang pagrekord sa audio o video.
  • Hilingin sa ibang mga botante o awtorisadong kinatawan na markahan ang kanyang balota. Kung kinakailangan, ang mga botante o awtorisadong kinatawan ay maaaring, alinsunod sa batas, humiling sa Namumunong Opisyal o sa kanyang kinatawan na markahan ang kanilang mga balota sa presensya ng isang kawani ng botohan.
  • Makialam sa ibang mga botante o awtorisadong kinatawan na bumoboto.